Kurland Property Records

Document text

back to search

erg0292

Heinrich Wulf, Vogt von Kandau, Dietrich Wrede, Vogt von Bauske, Johann Tuwe von Marten und Laurenz Schungell legen die Streitigkeiten zwischen den Brüdern Otto und Hermann von Grothusen um ihre väterliches Erbe bei. Wenden, 1545 Jan. 17
rechtliche Auseinandersetzung
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 340; GStAPK, VIII. HA B 24: Sammlung Stavenhagen Urk. Nr. 373
Hide variants and comments | Show variants | Show comments | Show variants and comments |
Wy hir nachbeschrevenn Hinrich Wolff, tho Candaw, Diderich Wrede, tho Bawsenburch vagede Duitsches ordens, Johann Tuue van Martenn unndt Laurentz Schungell doenn kunth, bekennenn unndt betuigenn mith duissem apenen vorsegelden brive, nachdem mennichfoldige thwyst unndt spaltung thwyschenn deme erentvesten unndt erbarn Otte unnd Herman, gebrodere, denn Grothuisenn, erwassenn, dat wy vann dem hochwirdigenn unndt grothmechtigen fursten unndt hern, hernn Hermann vann Bruggeney, genant Hasenkamp, meyster Duitsches ordens tho Lyffland, samentlich verordenet, solliche irrung, so es moglich, tho entscheidende hebbenn, derwegenn noch velgehatter moye, vlites unndt arbeits mith beydersitzs eigenen wyllen unnd vulborde eyne frunthliche handlung getroffen wie volget, nemblichenn dat alle angematede iniurien ader schmehung, gewalt und unkost gentzlich upgehaven unndt Otte inn kegenn%innkegenn ergentzung derselben Herman keine rekenschop tho doende plichtich, Detlofs anteyll ann der rekenschop vorbeholdenn. Item die buirenn schult der achteinhundert marg, die Otte van Clawes Krudener ann sich gebracht, soviell darvann Dethleff unndt Hermann tho bethalen eigenet, syn ock doeth gelecht. Wes sunst ahnn schuldenn verhandenn neffenst denn achte lepenn soltes weyniger ader mher vier schippunth syn den gebroderenn samentlich thogehorende. Die andern buirenn schult, der Otte inn Hermans semptlichen guidern tho enthachter, soll bethalett werdenn
dartho Herman der buiren tho thwingen sich erbaden. Wes aver der armenn luiden gelegenheit noch nicht inn eynem jar, soll gewyslich inn drenn jarenn vann dato an tho rekenenn uthkamenn, glickmetich mith der schult, so Hermann vann denn buiren, die he bevornn ingehat unndt nhu widerumb inn Ottens verwaltung syn, tho holden verwilliget, wormede die gebrodere aller unndt jeder itzt schwevenden thwyst gentzlich, ihm grunde, frunthlich unndt broderlich sollenn verglicket syn unndt blivenn, jedoch denn vorigenn upgerichteden vordregenn, inhalt ergangener sententzien inn allenn ehrenn punttenn unndt clausulenn unvorfenglich. Tho urkunth der warheit hebben wy vogede tho Candaw unndt Bawsenburch, Johann Tuue vann Marten unndt Laurentz Schungell obgemelt unser ampts unndt angebornn ingesegell unndenn ahnn duissenn brieff wetentlich doenn hangenn, die gegeven unndt geschrevenn tho Wendenn tags Anthonii ihm jar dwsentfiffhundert darnach ihm vyfunndviertigstenn.(?)