Kurland Property Records

Document text

back to search

erg0128

Gerlach von Hövel, alter Komtur von Mitau, quittiert dem Klaus Franke und dessen Ehefrau den Empfang des Kaufpreises von 100 Mark Rigisch für ein Gesinde nebst Heuschlag an der Schlocke. Er erklärt, einen Sendbrief des Ordensmeisters mit dessen Zustimmung zu dem Verkauf an Franke ausgehändigt zu haben. Riga, 1501 März 15
sonstige Urkunde (Quittung) Text derzeit nach E. v. Fircks, Neue Kurländische Güter-Chroniken, Mitau 1900-1905, Beil. Nr. 104, dort nach der Ausfertigung.
Überlieferung:
A: Ausf.
Material: Perg.
Archiv: GStAPK, VIII. HA B 24: Sammlung Stavenhagen Urk. Nr. 199
Hide variants and comments | Show variants | Show comments | Show variants and comments |
Ick broder Gerlach vann Havel, Dutzsches ordens olde compthur thor Mitow, bokenne unnd botuge vor alle, de dusße quitancie seyn offte horen leßen, dat ick entfangen hebbe van Claves Franken unnd syner eliken husßvrouwen eynhundert marck Riges enesß kopes eneß gesindes unnd hoysclages halven, bolegen boneden der Slokenbeke tusschen eynen gesinde geheyten Libit Boneden und eyn gesinde baven bolegen upp der Aa geheyten Pavasser, welker gesinde unnd hoyscla^ech ick Claves Franken und synen rechten erwen eynen vorsegelden breff upp gegeven hebbe. Na lude unnd inholde des sulfftigesten breves, wan er my Claves Fra^enke vornoget hefft sodan summe, alze wy des awereyns gekamen synt, nemelick eyn hundert marck Riges, szo wil ick eme inweldigen in sodan gesinde unnd hoysla^ech na inholde des hovetbreves, szo weldige ick unnd awerantwerde Claves Fra^enken unnd synen rechten erwen sodan gesinde unnd hoysla^ech, unnd na data dusser quitancien nicht mer will uppsaken edder nemant vann mynentwegen. In deme geliken is dit geschyn mith hern Wolter vann Plettenberge, meister to Lifflandt, mith syner erwerdicheit consens unnd wulbort, dar my syne erwerdicheit eynen sendebriff upp gesant hefft, welken briff ick ock Clawes Franken awergeantwerdet hebbe. Dusses allen tho merer tuchnisße unnd warheit hebbe ick, broder Gerlach van Havel ergedacht, myn angebaren ingesegel unden an dusßer quitancien don hangen, de gescreven is to Rige uppe den manda^ech na Oculi anno dusentvyfteynhundert unnd 1.