Kurland Property Records

Document text

back to search

erg0101

Die Brüder Johann und Philipp von Altenbockum legen auf Vermittlung von Heinrich Wulf, Vogt von Kandau, Gerd Hane und Gerd Dönhoff dem Jüngeren den Streit um das väterliche Erbe bei und teilen es zwischen sich auf. Talsen, 1545 März 24
rechtliche Auseinandersetzung Text nach E. v. Fircks, Neue Kurländische Güter-Chroniken, Mitau 1900-1905, Beil. Nr. 65, dort nach zeitgenössischer Kopie.
Überlieferung:
B: gleichz. Kop
Material: Pap.
Hide variants and comments | Show variants | Show comments | Show variants and comments |
Wy Johann unnd Phylips, gebroder vann Oldenbockum, doenn kunndt jeddermennychlichenn, denn dusser unsser apenn vorsegelden bref tho geshenn odder lessenn vorkumpt, opentlych tuegenn unnde bokende, dat nachdeme wy unsers pattermonii odder vedderlickenn erves halvenn vast eynn tydtlanck ynn twyst und errunge gestanndenn unnd ock Phylips went achtuher nycht mer alse twey part der guder sych anngewattet, jodoch mer, als sych tho tweint partenn eygnet unnd gebordt, yngenomenn, nu aver derdehalff, als [er] dat halve part vann her Jasper dartho deyt annspreckenn, szynn wy dersulveygenn gueder halvenn, doch vorbeholtlych unnd unschedelych unser samde handt, ock unsser beyder gedaner protestattien, eyns gewordenn unnd ynn bywesenn des erwerdygenn achtbarenn unnd erendtfestenn herenn Hynryck Wulff, r[itterlychen] d[utzschen] o[rdens] vageth tho Canndow, ock der erbar unnd erendtfeste Gerdt Hanneng Hannens unnd Gerdt Donhaffers des jungern genslychckenn unnd all vereyniget unnd vordragenn, wo nawolget: Erstlych sall de haeff Rodtßeddenn inn synnenn marcktenn unnd scheddungenn myt sevenn gesyndenn, so im havers marckede myt erenn landenn gelegenn, vor dat eyne, darentygen sall Durshuppenn unnd Szerrendorp myt erenn marcktenn nebbenn denn landenn unnd schedungenn vor dat ander dell geordennert synn unnd byennander blyvenn, tho welcher beyder pardt eynn my, Johann, van Phylipese, mynem broder, dye koer unnd walt yst thogelattenn unnd gevenn wordenn. Denn na hebbe ych gemeltem mynem broder Phylipse denn hoff sampt denn thogehordenn sevenn gesyndenn avergevenn unnd gelattenn, darentyegenn Durshuppenn unnd Serrendorp vor my unnd mynenn ervenn angenomenn. Toem anderenn sall Phylippes alle hoeyslege, szo ynn Hanes sall unnd wyll ich, Johann, vann dussem XLV jar ann doenn so marckanck dorch sos [] jare lanck. gebruckenn unnd na vorloppunge der tydt sall he wedderumme ann Phylipese fallenn. Ock geve ick, Johann, mynem broder Phylipese eynenn mann, genandt Tomas, myth eynem gesynde tho Serrendorp, gehettenn Balgal Vets gesynde, idoch soeferenn he des mans wyllynn dartho hebbenn unnd kryggenn kann
des sall unnd wyl my Phylipse denn yeger, Hynkenn genant, volgenn lattenn. Die twey gesynde tho Canenn, genompt Martteinn Dynge unnd Mychhell Konnenn, welche thovor in gemmeint, hebbe yck em umme fredes wyllenn gelattenn, darentyegenn he my Marttenn Wyldenn myt synenn hebbede werenn avergelattenn unnd gegondt hefft. Tom drudden sollen de kroch tho Sabbeltenn unnd de krochstede myt der herberchge tho Talssen by Phylipese blyvenn, darentyegenn sal ych, Johann, de stede tho Sabbel, up welcher de smyt vanet, unnd de erffstede tho Talsenn by Johann Torckenn synem kroge belegenn myt deme gardenn hebbenn unnd beholdenn. Die kroch aver tho Candowo myt denn lande sall upt gelyckeste gedelt warddenn
deme gelyckenn ock tho Schloucke. Dyesse seggel unnd breve aver dat landt unnd dorppe, so Phylipese beholt, wyl yck, Johann, eme averantdworden, de sall Phylipese yme guder vorwaringe haldenn der samde hant thom bestenn, gelyck solkes wyl ick, Johann, ock doenn
unnd so eyner odder mer breve vorhandenn, ynn welker unser beyder semptlyche schedunge erfundenn worde, sall tor bylliger erkenntnysse stann, ver sulche breve ynn vorwarynnge hebbe sall. Item dat Besste-landt, so umme dat hackelwerck tho Talssenn inn annspracke ys ludt dersulvygenn breve, sall gelick denn anderenn gewetten
gelycker wysse sall ydt ock tho Sabbel geholdenn wordenn. De burenn schulde unnd farrennde have, so eyn itzlycher manget denn burenn uthgande heft, soll vann beydenn parttenn anngeteckenn wardenn, darmyt dath keynenn derhalvenn unrecht wedderffare. Tom lestenn sall de strandt upt dat gelyckeste gedelt wardenn, warmyt wy beydenn broder aller vormeltenn arttyckel unnd puntten sollenn unnd wyllenn frunntlych, entlich unnd unwederroplich endtschedenn unnd vordragenn synn ane argelyst, neyffunde unnde gefehrde. Tho urckunde unnde merer sechherheyt synn dusser breve twe eyns ludes, unnd dyie eyne, welcher by Johann blyvenn sall, dorch upgemeltenn herenn vaget unnd Gerdt Donhoff vorsegelet, dye ander aver, welchen Phylipese hebben sall, glychsfahels dorch denn herenn faget unnd Gerdt Hanenn vorßegelt. Gegevenn tho Telssenn im have im jare na Crystes gebort vyffteynhundert darna im vyffundvertystenn jar dynxtedages na Judica.(?)
comment
pressureAuch mit der vorliegenden Teilungsvereinbarung endeten die Streitigkeiten zwischen den Brüdern nicht. Vgl. das Schreiben Philipps von Altenbockum von 1545 Aug. 6 an den Komtur von Goldingen, worin er sich über erlittene Gewalt und Nichteinhaltung der Vereinbarung durch seinen Bruder beschwert (Erg. 983). Textabdruck nach NKGChr. Beil. Nr. 65.