Urkundentext: erg0773

OM. Wolter von Plettenberg belehnt Statius Rape und seine Erben mit Johann Krusens Land und Gütern im Gebiet und Kirchspiel Grobin zu Lehngutsrecht. Wenden, 1528 Dez. 19
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 273; GStAPK, VIII. HA B 24: Sammlung Stavenhagen Urk. Nr. 299
Varianten und Anmerkungen aus Varianten ein Anmerkungen ein Varianten und Anmerkungen ein
Wye Wolther vann Plettenbergk, meister Duitzschs ordens tho Lifflande, dhonn kunth, bokennenn unnd botuigenn apenbar inn unnd mid dissem unserm apenenn vorßegeldenn breve, dath wie mid willenn, rade unnd vulborde unser werdigenn medegebedigere Statius Rapenn unnd allenn synenn rechtenn warenn erven gegevenn, gegondt unnd vorlenth hebbenn unnd inn kraffth disses breves gevenn, gonnenn unnd vorlenenn Johann Cruisenn landth unnd guider, als die im gebede unnd kerspell tho Grobbinn inn erhenn merckenn unnd schedingenn bolegenn unnd bethher upth allerfrigesthe gebrucketh unnd beszethenn heffth nha inholde unnd vormoge synes oldenn lehenbreves, mith allerleie thobehoringe, nutth unnd bokwemicheitt, wue die genhometh synn ader genhometh mogenn werdenn, als ann ackernn geradeth unnd ungeradeth, hoislegenn, weßenn, weidenn, vedriffthenn, holtingenn, buschenn, birßenn, szeenn, szipenn, waterenn, beckenn, honnichbomenn, honnichweidenn, vischerienn, vogelienn unnd wue Statius Rape unnd alle syne rechtenn warnn ervenn mogenn recht tho hebbenn, nichtsnicht buthenn boscheidenn, vorthann tho hebbenn, die tho bositthenn unnd tho gebruckennde frig unnd fredeßamlich nha lehenguids rechte tho ewigenn tidenn. Inn urkunde unnd bovestinge der warheitt hebbenn wie Wolther, meister upgemelth, unser ingesegell withlickenn undenn ann dissenn breff lathenn hangenn, die gegevenn is tho Wendenn szonnavendes nha Lucie anno viffteynhunderthunndachtunndtwintich.