Urkundentext: erg0709

OM. Wolter von Plettenberg belehnt Mathias Schnytker und seine Ehefrau Gertke zu ihrer beider Lebenszeit mit einem Haken Landes im Gericht Doblen in beschriebenen Grenzen, wofür sie den bisherigen Besitzer Heinrich Smyth und dessen Ehefrau auf Lebenszeit mit Essen und Trinken versorgen sollen. Tuckum, 1511 Sept. 9
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 204; GStAPK, VIII. HA B 24: Sammlung Stavenhagen Urk. Nr. 232
Varianten und Anmerkungen aus Varianten ein Anmerkungen ein Varianten und Anmerkungen ein
Wy Wolter vann Plettennberge, meister to Lifflanndt Duitzschs ordens, bekennenn unnd betugenn apenbar inn unnd mith dusßem unnsem apenen vorsegelden breve, dat wy mith rade unnd vulborth unnser erßamen medegebediger Mathias Schnytker unnd Gertkenn, syner elickenn husfruwenn, to erer beyder leven gegeven unnd vorlenth hebbenn unnd in crafft dusses breves geven unnd vorlenenn eynen hackenn lanndes, als de im gherichte tho Dobleenn in der borchsockinge unnd inn dusser nabescreven schedinge belegenn is: inth erste antogannde vann der barsßen, dar ein wydennbom steyth, myt eynem crutze geteckenth
vann demesulvigen bome langest Hans Bokenn schedinge beth ahnn eyne bercke, dar eyne kule is
vann der kule ahnn eyne eycke
vann der eyckenn recht ahnn den Voesberch
vann deme Voesberge ahn eynen grothenn steyn
van deme steyne langes ein syp beth ahnn eyne kule
vann der kulen tor vordernn hanth dwers avertogannde beth up eynenn wech an Pretems schedinge
enthlangest de schedinge vorth to gannde beth up dee vorberorde bersße
mith aller tobohoringe unnd boqwemicheyt, wo de genometh synt offte mogen werden, nichts buten beschedenn, als de tovorennde Hinrick Smyth inn bosyth unnd brukynge ghehath hefft, vorth to hebbende, to besittennde unnd to bruken fry unnd fredesamlick erer beyder leven lanck
mith sodann bescheyt, dat ghedachte Mathias Schnytker unnd Gertke, syne husfruwe, genanten Hinricke Smyth unnd syner husfruwenn eres lyves nottrofft mith ethenn unnd drinckenn to eren levendigenn dagenn vorsorgenn sollenn. Des in orkunde unnd tuchnisse der warheith hebbe wy unnse ingesegell rechtes wetendes beneddenn an dusßen breff don hangen, de gegeven unnd screven is tho Tuckum des andernn daghes nativitatis Marie na Christi unnses hernn geborth im viffteinhunderstenn unnd elfftenn jare.
Bemerkungen
DruckVgl. Erg. 708.