Urkundentext: erg0427

OM. Hermann von Brüggenei gen. Hasenkamp bestätigt das im Wortlaut inserierte Vermächtnis des Jürgen Blomberg zu Almahlen zugunsten seiner Ehefrau. Wenden, 1546 März 10
Konfirmation
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 347; GStAPK, VIII. HA B 24: Sammlung Stavenhagen Urk. Nr. 379
Varianten und Anmerkungen aus Varianten ein Anmerkungen ein Varianten und Anmerkungen ein
Wi Herman van Bruggeney, genant Hasenkamp, meyster Duitsches ordens tho Liflande, dhonn kundt, bekennen unnd betuigen [inn und myt dissenn] unserem apenen vorsegelden breve vor alßweme, dat uns die erbar unnd veste unser lever getruwer Jurgenn Blomberge tho Almalenn eyne vorsegelde overgave oder lifgeding, welcke he der erbarn unnd dogentsamenn syner ehelikenn husfrouwenn van wegen ehrer [velvaltigen truve] unnd woldat in jegenwordicheit der werdigenn, achtbarn unnd erenthvestenn unserer leven andechtigenn rats unnd getruwen hern cumpthurs tho Goldingenn unnd Philipsen van der Bruggenn gedan unnd gemakett, inn underdenicheit vorbringenn unnd [lesen] latenn [mit angehafftem] biddenn, diesulvigen gnediglichenn thotolatenn, tho confirmierenn unnd tho bestedigenn, welcke dan van worden tho wordenn wie nhafolget ludende: Folgt Urkunde Nr. Erg. 982. Dewylen wy dan sodane begift[i]gung ader lifgedinge up allen reden unnd billicheyt vormerket vormercket, demnha hebben wy upgemeltes Jurgen Blomberges underdeniger bede gned[ich]lichen%gnediglichen stadt gegeven und sodane lifgedinge hirmit inn [craft] desses breves thogelaten, confirmert und bestedigett. Inn urkunde und bevestigung der warheyt hebben wy Herman, meyster obgemelt, unser ingesegell rechtes wetendes under ahn dissen bref laten hangen, de gegeven [und] geschreven tho Wenden midwekens nha Estomihi nha Christi unsers heren gebordt dusentvifhundert darnha im soßundevertigestenn jare.(?)